أنا مصرى
٢٥/ ٩/ ٢٠٠٩
أنا مصرى فقير غلبان وساكن تحت
ومشكلتى إن أنا ساكن ف آخر الفحت
أنا واحد من الحرافيش عمرى ما أتأنزحت
صابر وراضى أنا ولا عمرى يوم بجحت
محروم وحرمت ولادى ولا مرة يوم بحبحت
نسينا شكل الزفر ونسيت إنى مرة دبحت
ولا ماشى على حل شعرى ولا حتى بالغلط صرحت
وقبل غروب الشمس تلقانى قوام روحت
مأدى فروض ربنا وبعدها كمان سبحت
وهمومى ورا ضهرى كلها يا ناس طوحت
وياما ناس ظلمونى ولا عمرى يوم جرحت
ولا باقدر أغلط فيهم ولا مرة كمان قبحت
ولا مرة بارد عليهم ولا فيهم يوم فتحت
والفقر بقى صاحبى ويوماتى عليه صبحت
هو ما أنش الأوان وأشوفنى يوم ارتحت
مع إن أمى دعت لى تشوفنى مرة فلحت
وأفلح إزاى وأنا خايب وعمرى ما اتنصحت
وأراهنك على ثروتى لو كنت يوم ارتحت
وأرتاح بس إزاى وأنا أصلا اتكسحت
نبيل عبدالعزيز
مدير عام - وزارة الثقافة
٢٥/ ٩/ ٢٠٠٩
أنا مصرى فقير غلبان وساكن تحت
ومشكلتى إن أنا ساكن ف آخر الفحت
أنا واحد من الحرافيش عمرى ما أتأنزحت
صابر وراضى أنا ولا عمرى يوم بجحت
محروم وحرمت ولادى ولا مرة يوم بحبحت
نسينا شكل الزفر ونسيت إنى مرة دبحت
ولا ماشى على حل شعرى ولا حتى بالغلط صرحت
وقبل غروب الشمس تلقانى قوام روحت
مأدى فروض ربنا وبعدها كمان سبحت
وهمومى ورا ضهرى كلها يا ناس طوحت
وياما ناس ظلمونى ولا عمرى يوم جرحت
ولا باقدر أغلط فيهم ولا مرة كمان قبحت
ولا مرة بارد عليهم ولا فيهم يوم فتحت
والفقر بقى صاحبى ويوماتى عليه صبحت
هو ما أنش الأوان وأشوفنى يوم ارتحت
مع إن أمى دعت لى تشوفنى مرة فلحت
وأفلح إزاى وأنا خايب وعمرى ما اتنصحت
وأراهنك على ثروتى لو كنت يوم ارتحت
وأرتاح بس إزاى وأنا أصلا اتكسحت
نبيل عبدالعزيز
مدير عام - وزارة الثقافة
